మూడు కోతులు

ముక్కంటి అనే నేన్ను మా ఊరి సర్పంచ్ ఉంచుకున్న రంగమ్మ తమ్ముడు రవి గాడి పొలంలో పెరిగి ఎండిపోయిన గడ్డి పరక మీద ప్రమాణం చేసి నాకు నచ్చింది చెప్తాను మీకు నచ్చింది విన్నండి
దీనికి నా స్నేహితులు పంచావతారం , ఏడుకొండలు సాక్షం . ..
ఆ రోజు ఐదు , ఏడు కలిసి పన్నెండు .. ( ఐదు ఏడు కలిస్తే.. పన్నెండు అంట .. ఏమి తెలివో .. హ హ హ ...!) గంటలకి ... నా దగ్గరకి వచ్చారు ..
ఐదు .. ఏడు వచ్చేది ఏమిటి రా....
ఐదు అంటే.. పంచావతారం ... ఏడు అంటే..ఏడుకొండలు గాడు ... మూడు అంటే.. నేను ..
వచ్చి .. రేయ్... ! మూడు ... నీకో భయంకరమైన రహస్యం చెప్పాలి రా అన్నారు...
రహస్యం అనగానే.. ముక్కంటి అయిన నాకు ఇంద్రుడు లాగా ఒళ్ళంతా కల్లోచ్చాయి
ఐదు .. ఏడు ఉన్న రెండు కళ్ళని .. చాటంత చేసుకొని .. గస పెడుతూ ...
రేయ్ .. ఆ సర్పంచ్ ....
ఆ సర్పంచ్ ఆ సర్పంచ్... చెప్పండి రా ..
ఆ సర్పంచ్ .. నిన్ననే ఒక కొత్త కోతి .. కొన్నాడు రా..
ఛి .. కోతి .. కొన్నాడ.. అది పెద్ద రహస్యమ ..
ఇంకా అవ్వలేదు ఆగు రా.. ఆ కోతికి నీ పేరే పెట్టాడు .. మూడు అని ..
సర్పంచ్ గాడికి ఎంత దైర్యం .. మొన్న వాడి చొక్కా లో చీమలు వదిలి తప్పు చేసాం .. ఈ సారి.. వాడు తాగే కాఫీ లో చక్కెర వేస్తె.. షుగర్ వచ్చి సస్తాడు వెధవ..
ఇంకా అసలు విషయం పూర్తి కాలేదు రా.. అక్కడ మీ మామ .. ఏమి అన్నాడో తెలుసా .. కోతికి నీ పేరు పెడితే.. కోతి ఆత్మహత్య చేసుకుంటు౦ది అంట ....
అయన .. బాధ మీకు అర్తం కాలేదు రా.. అయన పేరు పెట్టాలి అని అయన ఆవేశం ..
ఆయినా మనం ఈ దౌర్జన్యాని సహించరాదు. ఏదో చిన్న కోడుకి నా పేరు పెట్టాడు బాగానే ఉంది. వాడికి పిచ్చి అయిన కూడా వదిలేసాం
మన సర్పంచ్ ప్రజలకోసం కట్టించిన ఏకైక కట్టడానికి నా పేరు పెట్టాడు. అది మరుగు దొడ్లు అయిన పర్వాలేదు అనుకున్నాం
కాని పోయి పోయి ఒక కోతికి నా పేరు పెడతాడ కనీసం ఏదో చింపాంజీ అయితే పర్వాలేదు కాని వాడి అంతు చూడాల్సిందే అని నిర్ణయించుకున్నాం
ఇంతలో ఐదు నాకు ఒక గొప్ప ఐడియా వచ్చింది. వాళ్ళ కూతురికి ఒక వీక్ పాయింట్ ఉంది కదా అది ఉపయోగించుకొని వాడు తల ఎత్తుకొలేని పని చేద్దాం అన్నాడు. ఆ ఐడియా ఏడుకి నాకు బాగా నచ్చేసి అల చేయడానికి సనద్దం అయ్యాము .

ఆ ప్లాన్ ప్రకారం ఐదు ,ఏడు నిద్రపోతున్న సర్పంచ్ కూతుర్ని ఎత్తుకొని ఊరి బయట ఉన్న పాడు పడ్డ బంగళాకి తీసుకు వచ్చారు.

లోపాలకి వచ్చి కెవ్ వ్..వ్..వ్..వ్.. అని అరుస్తూ బయటకి పరిగితారు. నేను వెనకాల వెళ్ళే కొద్ది , ఇంకా ఫాస్టుగా పరిగిస్తున్నారు. అప్పుడే గుర్తుకు వచ్చింది నేను మోహన్ బాబు మాస్క్ వేసుకున్నాను అని. మాస్క్ తీసేసి వాళ్ళ దగ్గరకి వెళ్ళాను . వాళ్ళు ఆగి నాతో రేయి జాగ్రతరా ఇక్కడ మోహన్ బాబు తిరుగుతున్నాడు అన్నారు. ఓరి పిచ్చోలార అది నేనేరా అని మల్లి మాస్క్ పెట్టుకున్న మోహన్ బాబు, మోహన్ బాబు అంటూ మల్లి పరిగితారు. సరే అమ్మాయిని బయపెట్టేప్పుడు పెట్టుకోవచ్చులే అని పక్కన పెట్ట మాస్కు.

బంగ్లాలోకి వెళ్లి అమ్మాయిని ఒక మంచం మీద పడుకోపెట్టి ఎదురు చూస్తునాం ఎప్పుడు లేస్తుందా అని. ఒక గంట దాటింది , బాగా బోర్ కొట్టి చేతిలో మాస్కు వేసుకొని మా వాళ్ళని కాసేపు ఆడుకుందాం అనుకున్న.

వెన్నకి తిరిగి చూస్తే ఇద్దరు కనిపించలేదు. వెతుకుంటూ ఆ బంగ్లాలో ఒక మూలకి వచ్చా అక్కడ ఏదో కనిపించింది. అమ్మో బాబోయి ... అని అరుచుకుంటూ బయటకి వచ్చా . అక్కడ ఉన్న ఐదు , ఏడు కూడా నాతో పాటు పరిగితారు ఏమి అయ్యింది అని కూడా అడగ కుండానే. మాస్క్ తీసి నా ముందు పోతున్న నా స్నేహితులని ఆపి రేయి లోపల మోహన్ బాబు ఉన్నాడురా అందుకే భయం వేసి పరిగితాను అన్న. వాడు మా వెంట పడ్డాడు కూడా అన్నారు మా వాళ్ళు.

కాసేపు అలాగే ఉండి , సరేలే ఇంక వెళ్ళిపోయి ఉంటాడు పద పోయి చూద్దాం అన్న . ఒకరి చేతులు ఒకరం పట్టుకొని లోపాలకి వెళ్ళాం . ఎందుకు అయిన మంచిది అని లోపల అంత వెతికాం . ఎక్కడ లేడు అని నిశ్చయి౦చుకొని వస్తుంటే కనిపించింది అద్దం , వెంటనే చేతిలో దువ్వెన తీసి దువుకున్న. ఇంతలో అమ్మాయి కదుల్తున్నటు అనిపించాగానే వెళ్ళ మంచం దగ్గరకి. అమ్మ పాలు అంటూ లేచ్చింది ఆ పాప. అప్పటికే తెచ్చిన పాల సీసాతో పాలు పట్టి ఇక మా పని మొదలుపెట్టాం.

ఎలాగో రెండు ఐస్ క్రీంలు అవి పెట్టి మా దారికి తెచ్చుకున్నాం. ఇక మా సర్పంచ్ పరువు పోయినట్టే అని హా హా కారం చేస్తూ బయటకి వచ్చాం. దారిలో నడుస్తూ చేతిలో మాస్కు చూసుకున్న. మాస్కుతో పని లేకుండానే పని అయిపొయింది, అయిన కొన్నాను కదా అని ఒక చివరి సారి పెట్టుకున్న. పక్కనే పోతున్న కుక్క ఇంటి దాక తరుముకుంది . ఇంటికి వచ్చి ఆ మాస్కు పొయిలో వేసేసా

మేము అనుకున్న పని జరిగే రోజు వచ్చేసింది. ఎప్పుడు తప్పు చేసిన వాళ్ళలాగే వెళ్ళే పంచాయాతికి గర్వంగా వెళ్ళాం. అనుకునట్టే సర్పంచ్ కూతురు వచ్చింది పంచాయితీకి. ఆ రోజు సర్పంచ్ మంచి తెల్లటి పంచ కట్టుకున్నాడు. ఒక పది నిమిషాల తర్వాతా నా దగ్గరకి వచ్చి చేసేసా అని చెప్పింది. ఇక ఏమి ఉంది అయ్యిపోయింది సర్పంచ్ పరువు అని నవ్వుకున్నాం . చేసినపనికి ఆనందంగా ఒక చాక్లెట్ ఇద్దాం అని ఆ పాప వైపు తిరిగాను అంతే మా మీద వాంతి చేసుకుంది మా మీద. ఉదయం నుండి మేము పెట్టినవి అని మా మీదే కకేసింది.

అందరు మమల్ని చూసి తెగ నవ్వుకున్నారు.


“వెంటనే నాకు మయసభ సీన్ గుర్తుకు వచ్చింది
ఎంతటి పరాభవం ఎంత అనుమానం
సర్పంచ్ కోతికి నా పేరు పెట్టాడు గాక అది నాకు తెల్వనేలా
తెలిసింది పో నేను నా అతి ఆవేశంతో సర్పంచ్ పై పగ పట్టనేల
పట్టితిని పో మా ఐదు , ఏడు మాటలు విననేల
వింటిని పో దానికోసం మోహన్ బాబు మాస్కు వేసుకునే లేవేల్కి దిగాజారనేల
జారితిని పో ఆ బాలిక తన పని చేసి అందరికి చెప్పక నాకు చెప్పనేల
చెప్పెను పో చెప్పిన ఆ బాలిక నా పై కక్కనేల
కక్కను పో ఈ దూర్ మధందులు అయిన ఈ ఊరి జనం నన్ను చూసి నవ్వనేల “

వెంటనే నేను పంచాయితీ సర్పంచు పంచ వేసుకున్నవే (పాంచాలి పంచ భద్త్రుక )
నన్ను చూసి నవ్వి౦ది కాదు కాని
ఒక సారి నీ పంచె తడిసింది చూసుకో అన్న
అందరు సర్పంచ్ పంచె వైపు ఒక క్షణం చూసి మల్లి నవ్వుతున్నారు. సాధించాం అని మేము నవ్వడం మొదలు పెట్టాం. కాని అందరు ఇంక మా వైపే చూస్తున్నారు.

ఇప్పుడు ఇది అంత ఎందుకు చెప్తున్నాను అంటే, సర్పంచ్ పంచ వాడి కూతిరి చేత తడిపించి మీ ముందు పరువు తీయాలి అని మేమే ప్లాన్ వేశాం. అది మీకు అర్థం కాలేదు

అందరు నవ్వారు. అనుకున్నది సాధించాం అని పంచాయితీ నుండి బయల్దేరం .


పక్క రోజు మా సర్పంచ్ ఇంకో రెండు కోతులు కొన్నాడు. పేర్లు....

హా హా హా .......

The Awesome Next door wife

By cvjanu | View this Toon at ToonDoo | Create your own Toon

పెద్దైతే ఎమోవ్తావు ...?

అశోకుడు చెట్లు నాటించెను , తుఘ్లక్ మల్లి రాజధాని మార్చెను అని మా సోషల్ మాస్టారు చరిత్ర పాటాలు చెప్తున్నాడు. వెనక బెంచిలో కూర్చున్న మేము అది వినకుండా నిన్న చూసిన సినిమా "ఎట్లో కొడితే గూట్లో పడతావ్ " గురించి మాట్లాడుకుంటున్నాం . ఎప్పుడు చూసాడో మమల్ని తెలిదుకాని మా మాస్టారు నా పక్క వాడ్ని లేపి ఏమి చెప్పానురా అని అడిగాడు. వాడికి ఏమి వినిపించిందో తెలిదు కాని నిన్న సినిమాలో రత్నం ఒక ఫైట్ లో ఏటిలో నించొని విలన్ ని కొడితే వాడు ఎగురుకుంటూ వెళ్లి గూట్ల పడ్డాడు సార్ అన్నాడు. క్లాస్సు మొత్తం నవ్వేసింది. లాస్ట్ బెంచ్ వాళ్ళని అందరిని లేచి నుంచో మన్నాడు. ఆ మాట చెప్పేలోపు నేను వెళ్లి పక్క బెంచి లో కూర్చున్న. అందర్నీ సాయంకాలం వరకు గోడ కుర్చీ వేయమన్నాడు. వాళ్ళు బయటకి వెళ్తుంటే కాలర్ ఎగరవెస్తు నవ్వుకున్న . అప్పుడు మాస్టారు నన్ను లేపాడు. నేను టక టక ఆయన ఆ రోజు క్లాస్సులో చెప్పినవి అని చెప్పేసా. బాగా చెప్పావు వారం రోజులు రోజు గోడ కుర్చివెయ్యి అన్నాడు., సార్ .. అన్న . నాకు తెలుసుర నువ్వే పెద్ద దొంగవి అన్నాడు. ఈ సారి నవ్వడం మా వాళ్ళ వంతు అయ్యింది . మా సోషల్ మాస్టారు అప్పుడు మాకు ఒక పని చెప్పాడు మీకు చరిత్ర ,చదువు విలువ తెలియట్లేదు తెలిసే లాగ నేను చేస్తాను. రేపు మీ అందరు, పెద్దయి మీరు ఏమి
అవ్వాలి అనుకుంటున్నారో? ఎలా అవ్వాలి ? ఎందుకు అవ్వాలి? అనే విషయం గురించి రాసుకోరండి . అప్పుడు మాట్లాడదాం అన్నాడు. బెల్లు మోగింది అందరం ఇంటికి వెళ్లి పోయాం .

పక్క రోజు సోషల్ క్లాస్సుకి వచ్చాం . మాస్టారు రాగానే పాఠం చెప్పకుండా నిన్న చెప్పిన పని చేసారా అని అడిగాడు. ఎస్ .. సార్ ర్ ర్ ర్ ..... అని అందరు రాగం తీసారు .



మొదటి అమ్మాయి :
నా పేరు ఎంకమ్మ . నేను ఐదోవ తరగతి చదువుతున్నాను.
నేను పెద్దయ్యి పెళ్లి చేసుకుంటాను
మా అత్తా మామలని బాగా చూసుకుంటాను
ముగ్గురు పిల్లల్ని కంటాను
ఎందుకు అంటే : మా నాన్న అలానే చేయమన్నాడు

మొదటి అబ్బాయి

నా పేరు రాజ చంద్రశేఖర భూపాల్
నేను పెద్దయి ఏమి చేయాను
ఎందుకంటే మా ఇంట్లో అని పనులకి పన్నోలు ఉన్నారు
మా నాన్నని అడిగితే కూడా మా వంశాచారం అదే అని చెప్పాడు
అలా అలా అందారు ఏవో చెప్తున్నారు . అందరిని అడిగిన తర్వాత మా నలుగురి దగ్గరకి వచ్చాడు మా మాస్టారు .

నా లైన్లో అటు చివర చివర ఉన్న వాడ్ని అడిగాడు ఏమిరా చెప్పు ఏమి రాసావు అన్నాడు

నా పేరు రమేష్ . మా నాన్న హెడ్ కానిస్టేబుల్
నేను పెద్దయి మా ఊరికి ఎస్ . ఐ అవుతాను
ఎలా అంటే
బాగా చదివి డిగ్రీ పూర్తి చేసి , ఎస్. ఐ . పరీక్షా రాసి
ఎందుకు అంటే
1) హెడ్ కానిస్టేబుల్ కొడుకు కానిస్టేబుల్ అయితే బాగుండదు కనుక
2) హెడ్ కానిస్టేబుల్ గా మా నాన్నకి వచ్చే లంచం కన్నా ఎక్కువ సంపాదించడానికి
3) టీచర్ లు కూడా ఎస్ .ఐ కి బయపడుతారు కాబ్బటి

రెండో వాడు
నా పేరు రంగ . మా నాన్న ఆసుపత్రిలో కాంపౌందర్
నేను పెద్దయి డాక్టర్ అవుతాను
ఎలా అంటే

మెడికల్ సీటుకి డబ్బులు కట్టి
ఎందుకు అంటే

1) డాక్టర్ అంటే ప్రాణం పోయడానికి , తీయడానికి డబ్బు
2) డాక్టర్ అయితే తెల్ల కోటు , ఎసి రూము
3) డాక్టర్ అయితే కాంపౌందర్ లాగ కాదు ఎప్పుడు కావాలి అంటే అప్పుడు పని చేయాచు

మూడో వాడు


నా పేరు సూర్య . మా నాన్న మునుసాబు
నేను పెద్దయి మా ఊరికి ఎమ్. ఎల్. ఏ ఆవుతాను
ఎలా అంటే
మా నాన్న పలుకుబడి మా నానా డబ్బు ఉపయోగించుకొని
ఎందుకు అంటే 1) ఎమ్. ఎల్. ఏ దగ్గర మాత్రమె మా నాన్న చేతులు కట్టుకుంటాడు
2) ఎమ్. ఎల్. ఏ అయితే కరెంటు ఫ్రీ, ఫోన్ బిల్ ఫ్రీ, కార్ ఫ్రీ , ఇల్లు ఫ్రీ ఇవ్వని కాకుండా నెలకు జీతం
3) ఎమ్. ఎల్. ఏ అయితే పోలీసుల, డాక్టర్లు మన మాట వింటారు

చివరగా నేను

నా పేరు నారాయణ . మా నాన్న రైతు.
నేను పెద్దయి ఆత్మహత్య చేసుకుంటాను
ఆ మాట వినగానే అందరు నోరు తెరిచి నన్నే చూస్తున్నారు.

ఎలా అంటే
మా నాన్న రైతు కాబట్టి నేను ఆ పొలం చూసుకోవాలి కాబట్టి

ఎందుకు అంటే
1) మా ముతాత వంద ఎకరాలో సాగు చేసాడు
2) సీలింగ్ యాక్టులో నలబాయి మిగిలింది
3) సెజ్ తర్వాత మా తాతకి పది ఎకరాలు మిగిలింది
4) నిన్ననే రెండో సెజ్ ముగిసాక మా నాన్నకి ఒక ఎకరం మిగిలింది
ఇంకో పది ఏళ్ళల్లో నాకు మిగిలేది ఆత్మా హత్యే

అని చెప్పను బెల్ మోగింది అందరు ఇళ్ళకి వెళ్ళిపోయారు .



చివరి మాట:బయటకి వెళ్తున్న నన్ను ఆపి మా మాస్టారు నాకు ఒక కాగితం చూపించాడు. ఆ కాగితంలో మా మాస్టారు పేరు రాసి ఉంది , "కింద నేను పెద్దయి ఆత్మా హత్య చేసుకుంటాను అని రాసి ఉంది"
చదివి ఆయన వైపు తిరగాగానే ఇలా చెప్పాడు జీవితంలో మార్పు తేవాలి అంటే చదువుకోవాలి పది మందిని చదివించాలి అందుకే ఈ ఉద్యోగానికి వచ్చాను అని చెప్పాడు

నా కాగితంలో అన్ని కొట్టేసి పెద్దయి నేను మాస్టారు అవ్తాను అని రాసుకున్న

పిచ్చోడి ప్రేమలేఖ